Monday, May 25, 2009
മക്ക (മക്കത്തുല് മുകറമ)
ഇതു മക്ക (മക്കത്തുല് മുകറമ).... ഭൂ ഗോളത്തിന്റെ മധ്യഭാഗം.... ഭൂമിയില് സ്രഷ്ടാവിനെ ആരാധിക്കുവാന് ആദ്യമായി പണിത കഅബാലയം സ്തിഥി ചെയ്യുന്ന പ്രദേശം ... സ്രഷ്ടാവ് വിശുദ്ധ മാക്കിയ സ്ഥലം... ഞങ്ങളുടെ രണ്ടാമത്തെ സംഘയാനം (ജിദ്ദ യൂണിറ്റ് ആര് എസ് സി (എസ് എസ് എഫിന്റെ ഗള്ഫ് ഘടകം)) പ്രസിദ്ധമായ മക്കയിലെ പ്രവാചകന്റെ ഹിജ് റയിലെ ഓളിത്താവളമായ ജബലുല് സൌറ് ആയിരുന്നു ഞങ്ങളുടെ ലക്ഷ്യം അതിനായി ഞങ്ങള് ജിദ്ദയില് നിന്നും രാത്രി ഒരു മണീക്ക് രണ്ട് ബസുകളിലായി മക്കയിലേക്ക് പുറപ്പെട്ടു ഞാന് കയറിയ ബസ് ഏതാനും കിലോമീറ്ററുകള് സഞ്ചരിച്ചപ്പോള് ടയറ് പൊട്ടി സഞ്ചാര യോഗ്യമല്ലാതായി .... ഏതാനും നിമിഷങ്ങള്ക്കകം വേറേ ഒരു ബസ് വന്ന് ഞങ്ങളുടെ യാത്ര തുടങ്ങി....മൂന്ന് മണിയോട് കൂടി ഹറമില് എത്തി ഞങ്ങള് ഉമ്ര നിര്വഹിക്കുവാനുള്ള തയ്യാറെടുപ്പുകള് തുടങ്ങി ഹറമില് വെള്ളിയാഴ്ച രാത്രി ആയതിനാലും വിദേശത്തു നിന്ന് ഉമ്രയ്ക്ക് വന്ന ഹാജിമാരെ ക്കൊണ്ടും വളരെ തിരക്ക് അനുഭവപ്പെട്ടു.... ഇറാനികളും തുര്ക്കികളും പാക്കിസ്ഥാനികളുമായി വളരെ അധികം ആളുകള് ഉണ്ട് ഹറമിനെ വലയം വെക്കുന്നു അതിനിടയില് ഞങ്ങളും ഒരു വിധം ത്വവാഫ് ചെയ്തു സഹ് യ് ചെയ്യാനായി സഫാ മര്വ്വയിലേക്ക് പോഴി അവിടെയും വളരെ തിരക്കനുഭവപ്പെട്ടു... എങ്കിലും സഫാ മര്വ്വക്കിടയിലെ പുതുക്കിയ വഴി വളരെ വിശാലമായതിനാല് പെട്ടന്ന് കഴിഞ്ഞു... അതിനു ശേഷം സുബഹി നിസ്കരിച്ഛു ഞങ്ങള് സൌര് ഗുഹയിലേക്ക് നീങ്ങി....
സമുദ്ര നിരപ്പില് നിന്നും അയ്യായിരം അടി ഉയരത്തില് ആണെന്ന് അതിന്മേല് എഴുതി വെച്ചത് കണ്ടു ആര് എഴുതിയതാണെന്നറിയുകയില്ല ആധികാരിക രേഖയൊന്നുമല്ല...അതെഴുതിയതും പാക്കിസ്താനികള് ആകുവാനെ സാധ്യത ഒള്ളൂ ഏതായാലും വളരെ ക്ലേശകരമായ ഒരു ഏര്പ്പാടാണു സൌര് മല കയറല് വിശ്രമമില്ലാതെ കയറുകയാണെങ്കില് ഒരു മണീക്കൂര് സമയം വേണം മലമുകളില് എത്താന്...
തുര്ക്കികളായ കുറച്ച് വയസ്സായ സ്ത്രീകളും പുരുഷന്മാരും വളരെ ഉഷാറായി മല കയറുന്നതു കണ്ടു... കാര്യമായി ആരും തന്നെ മല കയറാന് വരുന്നതായി കാണുന്നില്ല മല കയറാനുള്ള ബുദ്ധിമുട്ട് കൊണ്ടാകും അധികമാരെയും കാണാനില്ലാത്തത് ഏതായാലും ഇനി അധിക കാലമൊന്നും സൌര് ഗുഹ കാണുവാന് സന്ദര്ഷകര്ക്ക് കഴിയുമെന്ന് തോന്നുന്നില്ല കാരണം മക്കാ നഗര സഭ സന്ദര്ശനം വിലക്കുവാന് തീരുമാനിച്ചിട്ടുണ്ട്...
പ്രവാചകന്റെ ഹിജ്ര വേളയില് ശത്രുക്കളില് നിന്നും പ്രവാചകനെയും ഒന്നാം ഖലീഫയായ അബൂബക്കര് സിദ്ധീക് (റ) നും അഭയം കൊടുത്ത് ചരിത്രത്തില് മഹത്തായ ഇടം നേടിയ സൌര് ഗുഹ അടച്ച് പൂട്ടാതെ സന്ദര്ശകര്ക്ക് വളരെ സുഖമായ തരത്തില് സന്ദര്ശിക്കുവാനുള്ള സൌകര്യം ചെയ്ത് കൊടുത്താല് ഹജ്ജിനും ഉമ്രക്കുമായി വരുന്ന ധാരാളം സന്ദര്ശകരെ സൌര് ഗുഹ ഇനിയും മാടി വിളിക്കുമ്മെന്നതില് ഒരു സംശയവുമില്ല ....
ചരിത്ര പ്രസിദ്ധമായ സ്ഥലങ്ങള് സംരക്ഷിക്കുന്നതില് കാണിക്കുന്ന അലംഭാവം കാരണം പ്രസിദ്ധമായ ഒരുപാട് സ്ഥലങ്ങള് കാലത്തിന്റെ മറവില് നഷ്ടപ്പെട്ടതു പോലെ സൌര് ഗുഹയും ഏതാനും നാളുകള്ക്കകം നമുക്ക് അപ്രത്ത്യക്ഷമാകും.. ജനങ്ങള് കാണിക്കുന്ന അറിവില്ലാഴ്മക്ക് ചരിത്ര സ്മാരകങ്ങള് നഷിപ്പിക്കുന്നത് കൊണ്ട് പ്രതിവിധിയാകുമൊ??
ചരിത്ര സ്മാരകങ്ങള് ഭംഗിയായി സംരക്ഷിച്ച് ജനങ്ങളെ കാര്യങ്ങള് പറഞ്ഞൂ മനസ്സിലാക്കി ചരിത്ര സ്മാരകങ്ങളെ വരും തലമുറക്ക് ഒരുക്കി നിര്ത്തുകയാണു വേണ്ടത...
Subscribe to:
Post Comments (Atom)
നന്ദി...ഈ വിലപ്പെട്ട പോസ്റ്റിന്
ReplyDeleteനന്നായി ഈ വിവരണങ്ങൾ
ReplyDeleteപുണ്യഭൂമിയിൽ വസിക്കാാനുള്ള അവസരമുണ്ടായല്ലോ..
ബാക്കിയെല്ലാ നിരാശകളും കൈവിട്ടേക്കൂ...
ആശംസകൾ
ചരിത്ര സ്മാരകങ്ങൾ തകർത്ത് അധികാരത്തിൽ വന്നവർക്ക് അത് സംരക്ഷിക്കാൻ കഴിയുമുന്ന് തോന്നുന്നില്ല..
Hello visitors of this cool blog! I would be very happy if you'd visit my site: http://www.concourseurovision.webs.com
ReplyDelete